CANOLFAN A LABORDAI MILFEDDYGOL¹

Mae Canolfan a Labordai Milfeddygol¹ yn Glwstwr Arloesi gwerth £4.2m sy'n cynnig adnoddau diogel i astudio Pathogenau Anifeiliaid a Phobl. Mae'r adnodd wedi’i leoli yng nghanol campws Prifysgol Aberystwyth, lle gallwch fanteisio ar arbenigedd academaidd gyda’r gorau yn y byd ac offer labordy o'r radd flaenaf. Fel cleient, gallwch ddefnyddio rhai o'r adnoddau Cyfyngu Lefel 3 a Lefel 2 gorau yn y Deyrnas Unedig. Mae'r adnodd hefyd yn cynnig swyddfeydd a mannau cydweithio i gleientiaid, a’r cyfan yn cael ei ategu gan Gymorth Busnes a Chymorth Technegol. Mae Canolfan a Labordai Milfeddygol¹ yn un o sawl canolfan ymchwil ac arloesi ym Mhrifysgol Aberystwyth, sy’n rhoi hwb i economi’r rhanbarth ac yn cynyddu cyflogaeth trwy fuddsoddiadau.